Müs fongk ich als Kenk emmer eklig. All di Sare on Märches met Müs, di ich jrad leäse kues, hade et mich aanjedon, sue di Jeschichte van Hatto von Mainz, deä unbarmherzije Bischoff, deä von Müs opjefreäte woard on dat Beldche von Gertrud von Nivelles, an deren Stab di Müs erop Iepe. Avver wenn mich dann Mama en deä Keller schekte, öm e Körfke Eäpel erop to hoale oder e paar Briketts, han ich emmer laut jesonge, öm di Müs te verdriive. Di Eäpel av di Muure let ich lieje, di woare midch te fies vör entepacke. Als ens wör Fliejeralarm woar on wör all en de Küek soate on di kleen Jeschwister op di Kautsch on de Stöl erömloare, soat ich met ene Karl-May-Roman von Opa direkt onger di verdunkelte Lamp. Plötzlich beweäjet sich jet tösche Bookrand on deä Koalekaas an deä Herd. Ich soach twie Müskes, janz niedliche Dierkes, doa onge op deä Boam spiele. Di hade wennijer Angs als ich. Als di nix te freäte fonge on ich mich bewecht had, woare se plötzlich weg. Dat Müsloak woar en de Wand henger deä Herd. Seitdem maach ich Müs, se mödde joa net unbedingt en minne Keller sich nierloate.
Dann koam noa deä Kreech min jöngste Schwester op de Welt, e kleen niedlich Kenk, dat woar noch lang os Müske.
(hj)
Das Mäuschen
Mäuse fand ich als Kind immer eklig.
